తిరుపతిలో BJP ఆంధ్రప్రదేశ్ రాష్ట్ర పదాధికారుల సమావేశం – పార్టీ బలోపేతానికి కీలక చర్చలు

 తిరుపతిలో BJP ఆంధ్రప్రదేశ్ రాష్ట్ర పదాధికారుల సమావేశం – పార్టీ బలోపేతానికి కీలక చర్చలు

తిరుపతిలోని లెమన్ ట్రీ హోటల్‌లో జరిగిన BJP Andhra Pradesh రాష్ట్ర పదాధికారుల సమావేశంలో బీజేపీ ఎస్సీ మోర్చా రాష్ట్ర అధ్యక్షులు పనతల సురేష్ పాల్గొన్నారు. ఈ సమావేశం రాష్ట్రంలో పార్టీని మరింత బలోపేతం చేయడం, క్షేత్రస్థాయిలో కార్యకలాపాలను విస్తరించడం, ప్రజలకు మరింత చేరువ కావడం వంటి అంశాలపై దృష్టి సారించింది.

ఈ కార్యక్రమంలో జాతీయ సంస్థాగత ప్రధాన కార్యదర్శి శ్రీ శివ ప్రకాశ్ జి, బీజేపీ ఆంధ్రప్రదేశ్ రాష్ట్ర అధ్యక్షులు శ్రీ PVN మాధవ్ గారు, రాష్ట్ర సంస్థాగత ప్రధాన కార్యదర్శి శ్రీ మధుకర్ నూకల గారు పాల్గొని పార్టీ భవిష్యత్తు కార్యాచరణ, బూత్ స్థాయి బలోపేతం, సభ్యత్వ విస్తరణ, ప్రజా సమస్యలపై ఉద్యమాలు, రాబోయే రాజకీయ కార్యాచరణపై సుదీర్ఘంగా చర్చించారు.

ఈ సందర్భంగా పనతల సురేష్ మాట్లాడుతూ, భారతీయ జనతా పార్టీ సిద్ధాంతాలను ప్రతి గ్రామానికి తీసుకెళ్లేందుకు కార్యకర్తలంతా సమిష్టిగా పనిచేయాలని పిలుపునిచ్చారు. ప్రధానమంత్రి శ్రీ నరేంద్ర మోదీ నాయకత్వంలో దేశవ్యాప్తంగా సాధించిన అభివృద్ధిని ప్రజలకు వివరించి, ఆంధ్రప్రదేశ్‌లో కూడా బీజేపీని ప్రత్యామ్నాయ రాజకీయ శక్తిగా నిలబెట్టేందుకు కృషి చేస్తామని తెలిపారు.

నూతన ఉత్తేజంతో, ప్రజాపక్ష పోరాటాలతో, బలమైన సంస్థాగత నిర్మాణంతో రాబోయే రోజుల్లో ఆంధ్రప్రదేశ్‌లో బీజేపీని మరింత అజేయ శక్తిగా తీర్చిదిద్దే దిశగా ఈ సమావేశం కీలకంగా నిలిచింది.

ఈ సమావేశంలో రాష్ట్ర పదాధికారులు, జిల్లా అధ్యక్షులు, వివిధ మోర్చాల నాయకులు పాల్గొని పార్టీ బలోపేతానికి తమ సూచనలు అందించారు.